ကိုးလမလွယ်
ဆယ်လမမွေး
ရင်နဲ့မထွေးခဲ့ပေမဲ့
နှလုံးသွေးပွက်
တစက်ချင်း စီးဆင်း
တဝက်နှီးရင်းပေးခဲ့သူ။
သမုဒ္ဒရာ
ဝမ်းတစ်ထွာတွက်
လမ်းတကာထွက်
ဝမ်းစာမဆက်ခဲ့ပေမဲ့
တတ်ကျွမ်းဘာသာဓလေ့မှာတော့
တတ်စွမ်းစေတနာ အာငွေ့နဲ့
ပညာဖြည့်ခဲ့သူ။
လှောင်မထားဘူး
အမှောင်မသွားစေချင်လို့
နှောင်မထားဘူး
ခေါင်ဖျားမှာ ဝံ့စေချင်လို့
ရှောင်ရှားကာ စွန့်နေရက်လား
ခွင့်မချွေ ဖွင့်ဖြေ ဖျက်စေလားရယ်လို့
နင့်ကြေအက် နှလုံးသားထက်မှာ
အမုန်းတရားမဖက်
အပြုံးများ မပျက်ခဲ့ သူ။
အဖြည့်ခံ
မေ့ကျန်ခဲ့ပေမဲ့
မေ့ရန်ကောလို့ မတွေးရက်၊
ဈေးကွက်မှာ
ဈေးတွက်နဲ့မဆုံးဖြတ်
ရှုံးမြတ်မထွက်တဲ့အမြင်
ဒီရင်ခွင် မချစ်ခင်ပေမဲ့
အပြစ်မတင်
အပြစ်ပြင် ထိန်းကျောင်းရင်းက
မိုးကောင်းကင် တိမ်အတွင်း
စွန်တစ်စင်း လွှင့်အတက်
ပင့်သက်ကာ ရှိုက်အငင်မှာ
လှိုက်ဘဝင်လှုပ်ရှား
နှုတ်ဖျားမှာ
နှုတ်စကားတွေ ပျက်ယွန်းပြိုဖျော့လို့လေလား
မျက်ဝန်းတခိုမှာတော့ သက်သေညွှန်းဆိုလေရော့သလားထင့်
မျက်ရည်စွန်းရယ်က ရွှန်းလဲ့လို့ စို။ ။
(မိုးကိုပျံ လေကိုဆန်စေတဲ့ ဘီးရစ်တံဆရာများတွက် စွန်တစ်စင်း၏ တမ်းချင်းတစ်ပုဒ်ပါ ဆရာ)
